Starfstöðvar:

Á norðanverðum Vestfjörðum
Aðalstræti 21
415 Bolungarvík
456-7005
nave[hjá]nave.is
 
Á ströndum
Höfðagötu 3
510 Hólmavík
451-3105
hafdis[hjá]nave.is
 
Á sunnanverðum Vestfjörðum
Strandgötu 7
465 Bíldudal
456-4105
margretth[hjá]nave.is
 
Í fornleifafræði
Fjölheimar í Sandvíkursetri við Bankaveg
800 Selfoss
895-1228
margrethronn[hjá]gmail.com

Spánarsnigill fannst á Patreksfirði

Snigillinn sem komið var með á Náttúrustofuna.
Snigillinn sem komið var með á Náttúrustofuna.

Spánarsnigill fannst á Patreksfirði í síðustu viku og var komið með hann til greiningar á Náttúrustofuna í Bolungarvík, en staðfesting fékkst á tegundinni í vikunni. 

Náttúrustofa hvetur fólk á Patreksfirði til að líta í umhverfi sitt og garða og sjá hvort þar finnist fleiri svona stóri sniglar líkir þessum á mynd og safna þeim ef þeir finnast, ásamt því að hafa samband við Náttúrustofuna í Bolungarvík. Þetta er annað eintakið sem staðfest hefur verið frá Vestfjörðum en hefur áður fundist í Hnífsdal. 

Spánarsnigill er ágeng tegund og dreifist nær eingöngu af mannavöldum, einkum sem egg eða ungviði með plöntum og jarðvegi. Hann er orðinn geysialgengur í nágrannalöndunum og er þar orðinn til mikils skaða í görðum og garðrækt. Snigillinn hefur því átt greiða leið til Íslands með innfluttum plöntum og jarðvegi í blómapottum.

Spánarsnigill er að öllu jöfnu auðþekktur frá öðrum sniglum hérlendum, þar sem hann er einlitur rauður þó rauði liturinn geti verið breytilegur. Fullvaxinn er hann tröllvaxinn, miklu stærri en aðrir sniglar af Arion ættkvíslinni. Reyndar hefur þróunin orðið sú að spánarsniglar sem fundist hafa á seinni árum eru mun smávaxnari en þeir sem fundust fyrstu árin og er það aðlögun að stuttu sumri hér á norðurslóðum.

Spánarsnigill á að líkindum eftir að reynast eitt mesta meindýr sem við höfum borið með okkur til landsins. Mikilvægt er að sporna gegn landnámi spánarsnigils eins og frekast er unnt og skal því tortíma þeim sniglum sem ekki gefst kostur á að skila til Náttúrufræðistofnunar eða til okkar ef ekki gefst kostur á að skila þeim þangað. 

Upplýsingar fengnar frá heimasíðu Náttúrufræðistofnunar Íslands 

Til baka

Náttúrustofa Vestfjarða | Aðalstræti 21 | 415 Bolungarvík | kt 610397 2209 | sími: 456 7005 | netfang: nave (hjá) nave.is