Náttúrustofa Vestfjarða býður upp á starfsnám fyrir háskólanema sem hafa áhuga á að öðlast verklega reynslu á sviði vistfræði og náttúrurannsókna. Starfsnámið er hluti af fræðilegu og faglegu starfi stofunnar og veitir nemendum innsýn í rannsóknir og verkefni sem tengjast náttúru Vestfjarða.
Vestfirðir bjóða upp á einstakt og afskekkt náttúruumhverfi þar sem fjölbreytt vistkerfi eru innan seilingar. Á svæðinu er einnig virkt og líflegt nemendasamfélag, auk þess sem starfsnemar fá aðgang að víðtæku tengslaneti sérfræðinga sem getur skapað framtíðartækifæri í námi og starfi.
Starfsnámið felur í sér handleiðslu og þjálfun í bæði vettvangsvinnu og á rannsóknastofu. Starfsnemar starfa með reynslumiklu teymi sérfræðinga og taka þátt í öflun gagna á vistkerfum og umhverfi. Á rannsóknastofu fá nemar verklega þjálfun og leiðsögn, meðal annars við greiningu og flokkun lífvera sem safnað er á vettvangi.
Starfsnemar fá innsýn í og taka þátt í fjölbreyttum verkefnum á sniðum náttúrufræða, eftir árstíma og verkefnastöðu, svo sem:
- Fuglarannsóknum og vöktun fuglastofna
- Gróðurrannsóknum og kortlagningu landvistkerfa
- Fiskirannsóknum og ferskvatnsvistfræði
- Sjávarrannsóknum
- Vettvangsvinnu, sýnatöku og úrvinnslu gagna
- Vinnu á rannsóknarstofu
Boðið er upp á starfsnám á einni af eftirfarandi önnum:
- Vorönn
- Sumarönn
- Haustönn
Starfsnámið er að jafnaði 3-4 mánuðir, en upphafstími getur verið sveigjanlegur og lagaður að þörfum umsækjenda eftir því sem kostur er.
Náttúrustofan getur útvegað húsnæði á svæðinu fyrir nema, en þeir bera hluta af leigukostnaði sjálfir.
Við viljum sérstaklega hvetja einstaklinga sem þegar eru búsettir á Vestfjörðum, til að sækja um.
Starfsnámið hentar nemendum á sviði:
- Líffræði
- Vistfræði
- Sjávarlíffræði
- Náttúruvernd
- Umhverfisfræða
- Lífvísinda almennt
Umsækjendur eru beðnir um að senda ferilskrá og stutt kynningarbréf þar sem fram kemur fræðilegur bakgrunnur, áhugasvið og óskað tímabil starfsnáms. Nánari upplýsingar og umsókn berist til nave@nave.is